Муу хүний амьдрал

Өдрийн хоолоо идэх санаатай нэг хоолны газар ортол хуучны нэгэн танилтайгаа тааралддын вайна. Миний төгссөн их сургуулийн доод курсэд байсын. Элдвийг ярих зуур ангийнхантайгаа уулзаж байгаа юу, танай тэр энэ хаана яваа вэ гэж асуужаахым.

Мээдкүү гэдэг мянган үгний таглаа гэдэг шиг хамт сурч байсан нэг ангийнхнийгаа ихэнхийг нь би хаана байгаа талаар даан ч мэддэггүй ээ. Тэр ч байтугай заримынх нь зүс царайг дотроо төсөөлөх гээд чадалгүйгээр мартжээ. Бид амьдралдаа олон олон анги хамт олонтой байдаг ч гэлээ тэднээсээ хэдийг нь мартаагүй яваа билээ. Аруун жилийн сургуулиас өгсүүлээд их сургууль, мастерийн анги, дахин их сургуулийн ангийнхан гэх мэтээр танилууд, найзуудын хүрээ хөвөрсөөр л. Гэхдээ тэднээс хэдтэй нь би ойр дотно байж,  харилцаа холбоотой байдаг билээ. Он цагийн урсгалаар  ажил амьдралын эрхээр ойр дотно байгаагүй болохоор анд нөхөд маань мартагдсаар л...